دليل المحصل

يومك في 5 خطوات

1. افتح التحاليل اليومية — هتقولك مين الوعود بتاعتهم مستحقة النهارده ومين محدش كلمه من زمان.
2. افتح ملف العميل من عملائي واتصل بيه أو زوره.
3. سجّل اللي حصل فورًا: النتيجة، والملاحظات، والوعد لو فيه.
4. لو عرفت معلومة جديدة (رقم تليفون، محل شغل، العميل مسافر...) سجّلها في بيانات العميل أو العلامات.
5. آخر اليوم راجع تقريري اليومي.

قائمة عملائي والفلاتر

هنا كل الحسابات المسندة ليك إنت بس. لو حساب اتنقل لمحصل تاني هيختفي من عندك.

1. 1البحث: اكتب جزء من اسم العميل أو رقم تليفونه.
2. 2حالة السداد: مثلاً اعرض اللي "لم يبدأ التحصيل" بس. وجنبها فلتر المحافظة عشان تجمّع زياراتك في منطقة واحدة.
3. 3الباكيت: درجة تأخير العميل عند البنك (BKT 1 = متأخر 1-30 يوم، BKT 2 = 31-60...). إيه هو الباكيت؟
4. 4حالة الحساب زي ما البنك باعتها: Active أو Write Off أو مغلق.
5. 5زرار العين يفتح ملف العميل. وعمود الإجراء المقترح جنبه بيقولك النظام شايف تعمل إيه مع العميل ده (اتصال، متابعة وعد، زيارة ميدانية...) والرقم = درجة أولويته من 100: كل ما يعلى ابدأ بيه الأول.

ملف العميل

1. 1العميل: اسمه وتليفونه، وجنبه البنك والمحافظة والمحصل الماسك الحساب.
2. 2المديونية المستحقة: المبلغ اللي لسه عليه. بيقل لوحده لما تسجّل سداد.
3. 3علامات العميل — شرحها.
4. 4بيانات العميل والقرض: التليفون، محل العمل، تاريخ بداية ونهاية القرض — إزاي تعدّلها.

وتحت كمان:

• بيانات القرض من البنك (الصورة تحت): الباكيت، أيام التأخير، حالة الحساب عند البنك، والإجراء القانوني لو فيه. دي جاية من ملف البنك ومحدش بيعدّلها من هنا.
• درجة أولوية التحصيل: رقم من 100 والإجراء اللي النظام بيقترحه، مبني على تاريخ العميل (وعوده، آخر مرة اتكلمنا معاه، تأخيره).
• تسجيل تفاعل جديد والسجل التاريخي — شرحهم تحت.

1. 1الباكيت: لونه بيغمق كل ما التأخير يزيد (أحمر من BKT 4 وطالع).
2. 2أيام التأخير عند البنك.
3. 3حالة الحساب: Active (نشط) أو Write Off (معدوم/مشطوب عند البنك) أو مغلق. لو البنك كاتبها بصيغة تانية بتظهر زي ما هي.
4. 4الإجراء القانوني اللي البنك عمله (زي جنحة شيك).

تسجيل مكالمة أو زيارة

سجّل كل محاولة تواصل حتى لو العميل ماردش — ده اللي بيتحسب في تقييمك ونسبة تواصلك.

1. 1اختار مكالمة أو زيارة.
2. 2اختار النتيجة:

   مكالمة	زيارة
   لم يرد · رقم خاطئ · رفض الدفع · وعد بالسداد · دفع فوري	لم يتواجد · تم اللقاء - رفض · تم اللقاء - وعد · تم اللقاء - دفع

3. 3اكتب الملاحظات: قال إيه بالظبط، إيه ظروفه، إمتى تكلمه تاني. الملاحظة الكويسة بتفيد أي حد يمسك العميل بعدك.
4. 4لو وعد يدفع، املا بيانات الوعد.
5. 5دوس حفظ التفاعل. هيظهر على طول في السجل التاريخي.

وعد بالسداد ومتابعته

تسجيل الوعد

في نفس نموذج التفاعل (رقم 4 في الصورة اللي فوق)، لما النتيجة تبقى "وعد بالسداد" أو "تم اللقاء - وعد" املا:

• المبلغ الموعود به.
• تاريخ الوعد: اليوم اللي قال هيدفع فيه.
• عدد الأقساط لو هيقسّط.

النظام هيفكّرك أوتوماتيك يوم الوعد (وهو كمان بيبعت للسوبرفايزور بتاعك)، والعميل هيظهر في التحاليل اليومية.

لما ييجي ميعاد الوعد

1. 1في السجل التاريخي، الوعد المستحق بيظهر وتحته زرارين:
   • تم السداد: اكتب المبلغ اللي البنك أكّده، وتاريخه، وطريقة التأكيد، ودوس الزرار.
   • لم يسدد: الوعد يتسجّل "مكسور".

تسجيل سداد

لو البنك أكّد إن العميل دفع، اختار النتيجة دفع فوري (مكالمة) أو تم اللقاء - دفع (زيارة)، وهيظهرلك:

1. 1المبلغ المؤكَّد من البنك — المبلغ اللي البنك أكّد إنه وصل.
2. 2تاريخ السداد — مينفعش يكون في المستقبل.
3. 3طريقة تأكيد السداد — زي: كشف حساب، رسالة SMS من البنك، مكالمة مع البنك.

بعد الحفظ المبلغ بيتخصم من المديونية تلقائي، وحالة السداد بتتغير لـ "دفع جزئي" أو "دفع كامل" حسب الباقي.

علامات العميل (هارب، متوفى، مسافر...)

العلامة بتتحط على الشخص نفسه مش على حساب واحد، فبتظهر على كل حساباته في أي بنك، ولو البنك بعته تاني بعد شهور هتلاقيها موجودة. استخدمها لأي معلومة مهمة عرفتها عن العميل.

1. 1اختار العلامة: هارب، متوفى، مسجون، مسافر خارج البلاد، رافض السداد، معسر / غير قادر على السداد، مريض، تغيير العنوان، رقم الهاتف خاطئ.
2. 2اكتب ملاحظة توضّح (اختياري بس مفيد جدًا): "سافر السعودية من أول السنة"، "توفي 3/2025 حسب أخوه".
3. 3دوس إضافة.

1. 1العلامة ظهرت. لو وقفت عليها بالماوس هتشوف مين حطها وإمتى.
2. 2علامة × بتشيلها (لو المعلومة اتغيرت، زي إن العميل رجع من السفر).

العلامات مش محتاجة موافقة، وكل إضافة أو إزالة بتتسجل في سجل التدقيق.

تعديل الهاتف ومحل العمل وتواريخ القرض

لو عرفت رقم تليفون جديد للعميل، أو محل شغله، أو اكتشفت إن تاريخ القرض غلط — تقدر تعدّله، بس التعديل بتاعك بيروح للسوبرفايزور يوافق عليه الأول.

1. 1دوس تعديل (أو إضافة لو الخانة فاضية) جنب الخانة، واكتب القيمة الجديدة.
2. 2دوس إرسال للموافقة.

1. 1القيمة القديمة لسه زي ما هي، وتحتها القيمة اللي إنت طلبتها وبانتظار الموافقة. أول ما السوبرفايزور يوافق أو يرفض هيجيلك تنبيه في الجرس.

السجل التاريخي

1. 1كل حاجة حصلت على الحساب بالترتيب، الأحدث فوق: المكالمات والزيارات ونتايجها وملاحظاتها، الوعود ونتايجها، السداد، ومين مسك الحساب ومين نقله. اقراه دايمًا قبل ما تكلم العميل.

التحاليل اليومية: مين أكلم النهارده؟

1. 1وعود مستحقة اليوم أو متأخرة: ابدأ بيهم. دول وعدوا يدفعوا والميعاد جه أو فات.
2. 2حسابات متأخر التواصل معاها: محدش كلمهم من فترة طويلة وبدأ النظام يصعّدهم للسوبرفايزور والإدارة.
3. 3عملاء مرشحين للمتابعة: تاريخهم في الوفاء بالوعود كويس ولسه ماحدش كلمهم النهارده — فرصة تحصيل حلوة.

تقريري اليومي

1. 1اختار اليوم. هتشوف ملخص أرقامك (اتصالات، زيارات، تم الوصول، سددوا، وعود جديدة ومستحقة ومنفذة ومكسورة) وتحتها تفاصيل كل مكالمة وزيارة ونتيجتها وملاحظات اليوم.