دليل الإدارة ومدير التحصيل

لوحة القيادة

1. 1اختار اليوم. هتشوف إجمالي المديونية، توزيع الحسابات على حالات السداد، وجدول نشاط كل فريق في اليوم ده (اتصالات، زيارات، تم الوصول، سددوا، وعود).

لوحة الإدارة العليا

1. 1الفترة: من تاريخ لتاريخ، أو الأزرار الجاهزة (آخر 7 أيام، هذا الشهر، آخر 3 شهور). بتأثر على المحصَّل والتارجت والتغطية؛ باقي الأرقام لحظية.
2. 2المؤشرات الرئيسية:

   المؤشر	معناه
   إجمالي عدد الحالات	كل الحسابات، وبين قوسين عدد العملاء (الشخص اللي عنده حسابين في بنكين = عميل واحد وحالتين)
   إجمالي قيمة المديونيات	مجموع المتبقي على كل الحسابات
   إجمالي قيمة المتأخرات (BKT 1+)	مديونية الحسابات اللي البنك حاططها في باكيت 1 أو أكتر، وعددها
   المبالغ المحصلة خلال الفترة	مجموع السداد المؤكَّد من البنك في الفترة، وعدد العمليات
   نسبة التحصيل الكلية	كل اللي اتحصّل ÷ (اللي اتحصّل + المتبقي)
   وعود مستحقة/متأخرة	وعود ميعادها النهارده / وعود ميعادها فات ولسه ماتسجلش نتيجتها
   الحسابات التي تم تغطيتها	حسابات نشطة اتسجل عليها مكالمة أو زيارة في الفترة، ونسبتها
   حسابات لم تتم متابعتها	باقي الحسابات النشطة اللي محدش كلمها في الفترة، ونسبتها (التغطية + دي = 100%)

1. 1نفس المؤشرات متقسمة على البنوك ثم المحافظ ثم الفرق، ومعاها التارجت مقابل المحقق. تحتها أفضل 5 محصلين وأفضل 5 فرق، وقوائم الوعود المستحقة والحسابات المتأخر التواصل معاها.

الإنذار المبكر

النظام بيدوّر على المشاكل قبل ما تكبر ويطلّعلك تنبيه (ويبعته في الجرس للإدارة):

• محصل أو فريق عنده حسابات كتير محدش تابعها، أو وعود متأخرة كتير.
• محصل أو فريق تقييمه نزل لـ "ضعيف" في آخر 7 أيام.
• بنك أو فريق أو محصل بعيد عن تحقيق التارجت.

1. 1التنبيهات النشطة / التنبيهات المُغلقة: المفتوحة دلوقتي، واللي اتقفلت قبل كده.
2. 2فحص الآن: لو مش عايز تستنى فحص الليل.
3. 3إغلاق: بعد ما تتصرف في المشكلة. التنبيه بيتقفل لوحده كمان لو المشكلة اتحلت في الفحص الجاي.

الإحصائيات

رسوم بيانية لحظية: توزيع حالات السداد، نشاط التحصيل (مكالمات وزيارات) في آخر 14 يوم، المديونية حسب الفريق، توزيع الحسابات حسب المحافظة، والمحصلين الأكثر نشاطًا في آخر 7 أيام.

تقييم الأداء

1. 1المحصلون / المشرفون: ترتيب المحصلين، أو المشرفين بفرقهم.
2. 2الفترة.
3. 3مبلغ المتأخرات: مديونية حسابات باكيت 1+ المسندة للمحصل دلوقتي (أو في فرق المشرف)، وتحتها سلامة المحفظة = نسبة المديونية اللي مش متأخرة.
4. 4التقييم العام من 100: ممتاز (80+)، متوسط (50-79)، ضعيف (أقل من 50).

التقييم العام بيتحسب إزاي؟

متوسط النسب دي (كلها من 100):

1. نسبة التواصل — عدد العملاء اللي اتوصلنا لهم فعلًا من إجمالي الحسابات المسندة.
2. نسبة الوفاء بالوعود — الوعود اللي اتنفذت من الوعود اللي ميعادها جه.
3. تحقيق التارجت — بيدخل بس لو التارجت من نوع "مبلغ".
4. سلامة المحفظة — بتدخل بس لو حسابات المحصل عليها بيانات باكيت من البنك.

دوس على اسم أي محصل عشان تفتح صفحة المحصل: كل أرقامه في الفترة، مبلغ المتأخرات، سلامة المحفظة، تحقيق التارجت، وكل مكالمة وزيارة سجّلها بالترتيب.

البنوك والمحافظ والفرق

الترتيب: بنك ← جواه محافظ (نوع المديونية: بطاقات ائتمان، قروض شخصية...) ← كل محفظة لها فريق أو أكتر بسوبرفايزور ومحصلين. لازم الترتيب ده يبقى جاهز قبل ما تستورد عملاء.

1. 1إضافة بنك: الاسم، كود مختصر (زي NBE)، ونوع التارجت الافتراضي.
2. 2إضافة محفظة: اختار البنك واكتب اسم المحفظة.
3. 3إنشاء فريق: البنك، المحفظة، اسم الفريق، والسوبرفايزور.
4. 4الهيكل الحالي: دوس على أي بنك أو فريق تفتح صفحته (إجمالي المديونية، التارجت الحالي، وأعضاء الفريق).

المحصلين بيتضافوا للفريق من المستخدمين (اختيار الفريق).

تعديل أو حذف بنك أو محفظة

من صفحة البنك (دوس على اسمه في الهيكل الحالي) — لمدير النظام أو أي حد عنده صلاحية إدارة البنوك والمحافظ والفرق:

• تعديل البنك (فوق جنب اسمه): الاسم، الكود، ونوع التارجت الافتراضي.
• تعديل الاسم على كارت أي محفظة. مينفعش اسمين متشابهين في نفس البنك.
• حذف المحفظة أو حذف البنك: متاح بس لو فاضي — مفيش حسابات عملاء، ولا موظفين في فرقه، ولا عمليات استيراد. الفرق الفاضية بتتحذف معاه. لو الزرار رمادي، وقّف الماوس عليه هيقولك ليه مينفعش.

التارجت

1. 1نوع النطاق: فريق، بنك، أو محصل.
2. 2اختر الجهة: أنهي فريق/بنك/محصل.
3. 3نوع القياس: مبلغ، عدد أقساط، أو نسبة مئوية.
4. 4القيمة المستهدفة.
5. 5ساري من تاريخ.
6. 6حفظ التارجت.

إعدادات التصعيد

لو حساب مسند لمحصل ومحدش تواصل مع العميل عدد أيام معين، النظام بيصعّده ويبعت تنبيه للمحصل والسوبرفايزور والجهة اللي في المستوى. الإعداد الافتراضي:

1. 1مستوى جديد: رقم المستوى، عدد الأيام، ولمين يتصعّد.
2. 2المستويات الحالية: عدّل الأيام أو الجهة، أو وقّف مستوى، أو امسحه.
3. 3تشغيل الفحص الآن: يشغّل التصعيد فورًا من غير ما تستنى الليل.

أول ما حد يسجّل مكالمة أو زيارة على الحساب، التصعيد بيتقفل.

استيراد ملف البنك

ارفع الشيت (Excel أو CSV) والنظام يضيف العملاء والحسابات الجديدة ويحدّث القديمة. فيه طريقتين:

• من التمبلت: دوس تحميل التمبلت (Excel) في صفحة الاستيراد. هينزل ملف فيه شيت البيانات (العناوين جاهزة، وقوائم للمحافظة وحالة الحساب والباكيت، والرقم القومي ورقم الحساب والتليفون متظبطين "نص" عشان الإكسيل ميبوظهمش)، وشيت التعليمات (كل عمود وكل العناوين اللي النظام بيفهمها وشكل القيمة)، وشيت أمثلة. املا شيت البيانات وارفع الملف زي ما هو — متغيرش ترتيب الشيتات، النظام بيقرا أول شيت بس.
• شيت البنك مباشرة: ارفعه زي ما هو من غير نقل. لازم أول صف يبقى العناوين والبيانات في أول شيت.

1. 1اختار البنك.
2. 2اختار الفريق المستلم — الحسابات الجديدة هتروحله.
3. 3اختار الملف.
4. 4دوس معاينة قبل الاستيراد. لسه مفيش حاجة بتتحفظ.
5. 5تنسيق الملف المتوقع: ملخص الأعمدة على الشاشة نفسها.

الأعمدة

أول صف في الشيت = عناوين الأعمدة. الترتيب مش مهم، والعناوين تنفع عربي أو إنجليزي، والنظام بيفهم الصيغ المختلفة (بداية/بدايه، التأخير/التاخير...).

المعاينة: راجع قبل ما تأكّد

النظام بيقرا الملف ويوريك كل صف وهيحصل فيه إيه، من غير ما يحفظ حاجة:

• هيتضاف: حساب جديد. وتحته مكتوب العميل جديد ولا موجود عندنا (بالرقم القومي أو بالتليفون) ولا نفس عميل صف تاني في نفس الملف.
• تحديث حساب موجود: رقم الحساب موجود قبل كده عند نفس البنك، هيتحدّث (المديونية وبيانات القرض).
• هيتجاهل (باللون الأحمر): ومكتوب السبب جنبه — عمود مطلوب فاضي، رقم قومي مش 14 رقم، رقم حساب متكرر في الملف أو متسجل تحت بنك تاني...
• ملاحظات (بالبرتقالي): الصف هيدخل بس فيه قيمة مش مفهومة هتتساب فاضية (تاريخ، محافظة...)، أو العميل عليه علامات، أو تليفونه نفس تليفون عميل تاني.

ممكن تفلتر بالتبويبات فوق الجدول وتدوّر بالاسم أو الرقم. لكل صف:

• تعديل: يفتحلك كل خانات الصف تصلّح فيها (مثلًا تكتب المديونية الناقصة أو تصحّح الرقم القومي) وتدوس حفظ وإعادة الفحص — الصف بيتفحص تاني على طول.
• استبعاد: الصف مش هيدخل خالص (وتقدر ترجّعه).

لما تخلّص دوس تأكيد الاستيراد. لو غيّرت رأيك دوس إلغاء ومفيش حاجة هتتحفظ.

بعد الاستيراد

1. 1النتيجة: عملاء جدد، حسابات جديدة، حسابات اتحدّثت، وصفوف اتجاهلت. وتحتها لو فيه:
   • اللي دخلوا واللي اتجاهلوا: جدولين بأسماء العملاء وبياناتهم (الرقم القومي، رقم الحساب، التليفون، المديونية) وسبب التجاهل. زرار تنزيلهم Excel بينزّل الصفوف المتجاهلة بنفس شكل التمبلت، تصلّحها وترفعها تاني على طول.
   • الأعمدة اللي النظام اتعرف عليها (عنوان الشيت ← الخانة في النظام) وأعمدة اتجاهلت: لو عمود مهم اتجاهل، غيّر عنوانه لواحد من العناوين اللي في شيت التعليمات وارفع تاني.
   • عملاء رجعوا وعليهم علامات: عملاء عندنا من قبل ومتعلّم عليهم (هارب، متوفى...) — راجعهم قبل التوزيع.
   • عملاء محتمل تكررهم: عميل جديد بنفس تليفون عميل موجود برقم قومي تاني — غالبًا نفس الشخص والرقم القومي مكتوب غلط. روح دمج العملاء.
   • ملاحظات على الصفوف: رقم الصف والمشكلة (عمود مطلوب فاضي، تاريخ مش مفهوم...). الصف اللي فيه قيمة اختيارية غلط بيتستورد من غير القيمة دي.

وفي جدول آخر عمليات الاستيراد زرار التفاصيل بيعرض نفس النتيجة لأي استيراد قديم.

دمج العملاء المكررين

لو نفس الشخص اتسجل مرتين (غالبًا الرقم القومي اتكتب غلط في ملف من الملفات)، ادمجهم في سجل واحد.

1. 1تكرارات محتملة: النظام بيجمّعلك العملاء اللي ليهم نفس رقم التليفون. أو ابحث بالاسم أو التليفون في الخانة تحت.
2. 2دوس أساسي على السجل الصح (اللي هيفضل).
3. 3دوس مكرر على السجل الغلط (اللي هيتمسح).

1. 1راجع الاتنين وحسابات كل واحد.
2. 2دوس تنفيذ الدمج وأكّد. كل حسابات المكرر بتتنقل للأساسي بكل تاريخها، وعلاماته ومحل عمله بيتنقلوا لو الأساسي مش عنده، والمكرر بيتمسح.