دليل مدير النظام
حسابات الموظفين، الأدوار والصلاحيات، وحل مشاكل الدخول.
مدير النظام
وكمان كل صفحات الإدارةمدير النظام عنده كل اللي في دليل الإدارة (اللوحات، البنوك والفرق، التارجت، الاستيراد...) بالإضافة للصفحات اللي هنا.
المستخدمون
- 1إضافة مستخدم جديد: الاسم، الإيميل (بيدخل بيه)، كلمة مرور مبدئية، الدور، والفريق (للمحصل والسوبرفايزور). دوس إضافة المستخدم وابعتله الإيميل وكلمة المرور، وقوله يغيّرها أول ما يدخل.
- 2الدور: غيّره من القائمة وبيتحفظ على طول.
- 3الفريق: نقل الموظف لفريق تاني. (حساباته المسندة مش بتتنقل معاه — وزّعها من إعادة التوزيع.)
- 4كلمة مرور جديدة: اكتبها ودوس تغيير. لو موظف نسي كلمة المرور.
- 5حذف: مسموح بس لموظف ملوش أي نشاط في النظام.
موظف ساب الشغل؟ أوقفه، ماتمسحوش
دوس على الحالة (نشط) في صفه عشان يبقى موقوف: مش هيقدر يدخل تاني، بس كل مكالماته وتاريخه بيفضلوا في النظام. ودوس تاني لو رجع. الموظف اللي له نشاط مينفعش يتمسح أصلًا عشان التاريخ مايضيعش.
الحد الأقصى للمستخدمينالنظام بيسمح بـ 30 مستخدم (العداد ظاهر فوق النموذج). لو وصلت للحد، احذف حساب ملوش نشاط، أو كلم الدعم الفني لزيادة الحد.
الأدوار والصلاحيات
- 1تعديل الصلاحيات: علّم أو شيل العلامة على أي صلاحية لدور، ودوس حفظ الصلاحيات.
- 2إنشاء دور جديد: اسم بالإنجليزي من غير مسافات (زي
quality_team) والصلاحيات اللي يحتاجها.
الأدوار الأساسية
| الدور | بيشوف | بيعمل |
|---|---|---|
| مدير النظام | كل حاجة | كل حاجة + المستخدمين والأدوار |
| مدير تحصيل | كل البنوك والفرق | اللوحات، البنوك والفرق، التارجت، التصعيد، الاستيراد، الدمج، التوزيع، والموافقات |
| سوبرفايزور | فريقه بس | التوزيع، الموافقة على تعديلات محصلينه، تقارير الفريق، ونفس شغل المحصل |
| محصل | الحسابات المسندة له بس | المكالمات والزيارات والوعود والسداد والعلامات، وطلبات تعديل البيانات |
| تقارير | كل الحسابات (قراءة بس) | اللوحات وتقييم الأداء وبناء التقارير |
مهم: الصلاحية ≠ اللي يشوفهالصلاحيات بتحدد الموظف يقدر يعمل إيه. لكن يشوف مين (فريقه بس؟ عملاؤه بس؟) ده مبني في الأدوار الخمسة الأساسية ومبيتغيرش. أي دور مخصص جديد بيشوف كل العملاء زي مدير النظام، فخلي بالك قبل ما تدّيه صلاحيات.
الأدوار الأساسية مينفعش تتمسح، والدور المخصص مينفعش يتمسح وفيه موظفين — انقلهم لدور تاني الأول.
مشاكل التحقق بخطوتين
مدير النظام ومدير التحصيل لازم يدخلوا بكود من الموبايل (شرحه هنا).
- الموبايل ضاع لكن معاه أكواد الاسترداد: يدخل بكود استرداد من شاشة الكود (رابط "فقدت جهازي"). كل كود مرة واحدة.
- الموبايل والأكواد ضاعوا: الدعم الفني اللي ماسك السيرفر يشغّل الأمر ده، والموظف هيتطلب منه يربط موبايل جديد أول ما يدخل:
php artisan 2fa:reset --email=manager@example.com - الكود دايمًا غلط: غالبًا ساعة الموبايل مش مظبوطة. خليها تلقائي من إعدادات الموبايل.
أمانماتشاركش كود التحقق أو أكواد الاسترداد مع أي حد، ولا تبعتهم على واتساب.
سجل التدقيق
كل تغيير حصل في النظام بالتفاصيل: مين، إمتى، القيمة قبل وبعد. الشرح الكامل هنا. مدير النظام بيشوف سجل كل الفرق.